|
Lög um Hollvinasamtök FSN
samþykkt á aðalfundi
samtakanna 15. júní 2000
1. grein. Samtökin heita Hollvinasamtök Fjórðungssjúkrahússins
í Neskaupstað.
2. grein. Markmið samtakanna er annars vegar að
auka tengsl almennings við stofnunina og þá
sem bera hag hennar fyrir brjósti. Og hins vegar að
efla hag hennar. Þetta verði gert m.a. með eftirfarandi:
- Að standa vörð um stofnunina og starfsemi
hennar.
- Að stuðla að kynningu út á við.
Hlutast skal til um að félagsmenn fái
greiðar upplýsingar um framgang stofnunarinnar,
og nýjungar á sviði heilbrigðismála
er varða stofnunina.
- Að veita F.S.N. fjárhags- og siðferðilegan
stuðning og hvatningu í ýmsum framfara-
og hagsmunamálum.
3. grein. Tekjur Hollvinasamtaka Fjórðungssjúkrahússins
í Neskaupstað eru:
- Félagsgjöld sem ákveðin eru árlega
á aðalfundi samtakanna.
- Frjáls framlög einstaklinga, fyrirtækja,
félagasamtaka og annarra aðila.
- Aðrar tekjur.
Fjárframlög til Hollvinasamtakanna má
merkja ákveðinni starfsemi við Fjórðungssjúkrahúsið.
S.s rannsóknum, endurhæfingu, endurnýjun
tækjakosts og tækjakaupum eða beinum fjárstuðningi
við ákveðið markmið. Óskilyrtum
fjárframlögum ráðstafar stjórn
samtakanna í samræmi við markmið þeirra.
Verði félagið lagt niður skulu allar eignir
þess og tekjur renna óskipt til Fjórðungssjúkrahússins
í Neskaupstað. Félagar teljast þeir
sem greiða árgjöld samtakanna. Fyrirtæki
, félagasamtök og opinberir aðilar geta orðið
styrktarfélagar.
4. grein. Aðalfundur samtakanna skal haldinn eigi
síðar en 16. júní ár hvert.
5. grein. Stjórn samtakanna skal skipuð
fimm mönnum:
Tveimur frá Neskaupstað.
Tveimur af starfssvæði sjúkrahússins
utan Neskaupstaðar.
Yfirlækni stofnunarinnar.
Einnig skal kjósa tvo varamenn í stjórn,
annan frá Neskaupstað, en hinn utan staðarins.
Þá skal einnig kjósa tvo endurskoðendur.
Stjórnin skiptir með sér verkum. Stjórn
er heimilt að skipa ráðagjafanefnd er skal vera
stjórn til ráðgjafar. Í verkahring
stjórnar er m.a:
a) Að gera áætlun um hvaða
þætti í starfsemi stofnunarinnar Hollvinasamtökin
styðji, að fengum tillögum frá m.a. ráðagjafanefnd,
læknum og starfsfólki stofnunarinnar og stjórn
Heilbrigðisstofnunar Austurlands.
b) Að halda aðalfund.
c) Að varðveita félagaskrá samtakanna
og skrá alla félagsmenn og þá sem
vilja kallast velunnarar eða styrktaraðilar stofnunarinnar.
d) Að senda fréttabréf samtakanna
til félagsmanna og þeirra sem áhuga hafa
á málefnum stofnunarinnar.
e) Að innheimta og ráðstafa árgjöldum
og öðrum tekjum.
f) Að gera félagsmönnum kleift að
fylgjast með og hafa áhrif á framtíðarþróun
stofnunarinnar innan þess ramma sem slík samtök
geta beitt sér fyrir.
6. grein. Reikningsár félagsins er almanaksárið.
Reikningar skulu lagðir fram endurskoðaðir og undirritaðir
af stjórn á aðalfundi samtakanna.
7. grein. Heimilt er stjórn að hrinda í
framkvæmd fjársöfnun ef þurfa þykir
í nafni samtakanna, til stuðnings ákveðnum
verkefnum.
8. grein. Stjórn skal kosin á aðalfundi
og situr til eins árs í senn.
9. grein. Til aðalfundar skal boðað með
minnst viku fyrirvara. Lögum samtakanna er einungis heimilt
að breyta á aðalfundi. Tillögum til lagabreytinga
skal skila 15 dögum fyrir aðalfund til stjórnar
og skal stjórn geta þess í fundarboði,
ef lagabreytingatillaga hefur komið fram. Einfaldur meirihluti
atkvæða ræður úrslitum á aðalfundi.
10. grein. Ákvæðum um tilgang félagsins
má ekki breyta né nafni samtakanna. Sama gildir
um ráðstöfun eigna verði félagið
lagt niður. Árgjald og félagsgjald skal vera
kr. 1000.
Lög þessi voru samþykkt einróma
á stofnfundi félagsins 15. júní
2000.
>> Kynntu þér
stjórn samtakanna 2002
- 2003.
|
