Handlækningadeild

Við FSN hefur verið starfrækt handlækningadeild frá því að sjúkrahúsið var stofnað. Margir skurðlæknar hafa starfað við deildina í lengri eða skemmri tíma. Síðasti yfirlæknir deildarinnar var Jón H. H. Sen, sérfræðingur í almennum skurðlækningum, en hann hætti hjá stofnuninni um áramótin. Ýmsir læknar manna stöðuna til skiptis eins og er.
Yfirlækningar svæfinga var Christine Guttormsson, sem starfaði við sjúkrahúsið síðan 1963. Hún hefur nú nýlega látið af störfum fyrir aldurs sakir. Læknar af svæfingadeild LSH manna deildina til skiptis í bili.
Hjúkrunardeildarstjóri handlækningdeildar er Elín Hjaltalín Jóhannesdóttir skurðhjúkrunarfræðingur, einnig starfa Ín Þorleifsdóttir og Hrönn Sigurðardóttir skurðhjúkrunarfræðingar og Sigurlaug Sveinsdóttir sjúkraliði við hana.

Fyrir utan Jón starfa margir aðkomusérfræðingar við deildina. Þessir eru:
Anna Mýrdal Helgadóttir kvensjúkdómalæknir, Júlíus Gestsson bæklunarskurðlæknir, Hafsteinn Guðjónsson þvagfæraskurðlæknir og Erlingur Kristvinsson háls-nef - og eyrnalæknir. Þessir sérfræðingar koma til FSN með reglulegu millibili.

Handlækningadeildin býður því upp á fjölbreytta þjónustu. Jón gerði bæði litlar og stórar meltingarfæraskurðaðgerðir, og lagði í sínu sérnámi sérstaka áherslu á aðgerðir með kviðsjá, og hefur það skilað sér í framboði deildarinnar á þess konar aðgerðum. Þær eru helstar brottnám gallblöðru með kviðsjá og brottnám botnlanga með kviðsjá.
Einnig eru gerðar meltingarfærarannsóknir með magaspeglun og ristilspeglun og ómskoðun af gallblöðru til greininga á gallsteinum. FSN eignaðist nýverið glæný speglanatæki frá Pentax af fullkomnustu sem gefin voru af nokkrum fyrirtækjum og stofnunum í Fjarðabyggð, og hafa gæði þessara rannsókna batnað til muna með tilkomu nýju tækjanna.

Algengustu valaðgerðir á FSN eru aðgerðir við nárakviðsliti og aðgerðir við æðahnútum.


Hér eru fleiri greinar sem tengjast Handlækningadeild:

Kviðsjáraðgerðir
Gallblöðrutaka
Magaspeglun
Ristilspeglun
Separ í ristli
Ómskoðun
Kviðslit
Æðahnútar