Kæfisvefn

Hvað er kæfisvefn: Oftast er um að ræða hindrun á loftflæði um kverkar og barka, truflun á stjórnun öndunar í heilanum og í síðasta lagi blöndu af þessu tvennu. Hindrun á loftflæði er langalngengasta ástæðan.
Kæfisvefn einkennist af öndunarstoppum eða minnkaðri öndun af og til, jafnvel mörghundruð sinnum á nóttu. Kæfisvefni fylgja hrotur og órólegur svefn. Þegar dregur ú r öndun eða hún stoppar fellur súrefnismettun í blóði sem valdið getur hjartsláttartruflunum. Önnur helstu einkenni kæfisvegns er óeðlileg þreyta og syfja á daginn sem valdið getur slysum í umferðinni og því að menn gefast upp á vinnu. Tengsl hafa fundist milli kæfisvefns, háþrýstings, offitu, sykursýki og bakflæðis.

Í meðferð er megrun mikilvægust sé um offitu að ræða, en margir þurfa auk þess á að halda tæki til að aðstoða við öndun í svefni. Þessi tæki koma í veg fyrir öndunarstopp og fall í súrefnismettun í blóði. Árangur meðferðar er mjög góður.

Á FSN eru notuð tæki frá Flögu til greiningar á kæfisvefni. Sjúklingur sefur á sjúkrahúsinu yfir nótt, tengdur mælitækjum sem skrá hjartarafrit, hrotur, hreyfingar brjóstkassa og kviðar, súrefnismettun, auk loftflæðis um vit.
Tölvuhugbúnaður auðveldar úrlestur þannig að sjúkdómsgreining liggur yfirleitt fyrir að morgni.