Lyflæknisdeild

Á Fjórðungssjúkrahúsinu í Neskaupstað hefur lyflækningum verið sinnt frá stofnun sjúkrahússins árið 1957. Það var þó ekki fyrr en 1. febrúar 1983 að hingað var ráðinn í fyrsta sinn að sjúkrahúsinu sérfræðingur í lyflækningum, Magnús Ásmundsson. Magnús starfaði hér óslitið til 1. mái 1997 þegar við starfi hans tók Björn Magnússon sem er núverandi forstöðulæknir sjúkarhússins. Björn er menntaður í lyflækngum á Mt. Sinai sjúkrahúsinu í New York og síðan á New York University Medical Center í lungnalækningum. Björn starfaði síðan í 15 ár á Reykjalundi þar sem hann var frumkvöðull í lungnaendurhæfingu. Þá starfaði Björn í Reykjavík sem sjálfstætt starfandi lungnasérfræðingur og var um þriggja ára skeið yfirlæknir Hjarta - lungnaendurhæfingarstöðvarinnar í Reykjavík.
Einnig er núna starfandi hjá okkur Gunnar Björn Gunnarsson smitsjúkdómasérfræðingur

Afleysingalæknar við lyflæknisdeild FSN koma flestir frá Landspítala Háskólasjúkrahúsi og hafa auk lyflækninga fjölbreytta menntun s.s. á sviði krabbameinslækninga, smitsjúkdóma, meltingarlækninga, öldurnarlækninga, gigtsjúkdóma og fleira.

Á lyflæknisdeildinni starfa hjúkrunarfræðingar með mikla reynslu af umönnun bráðveikra sjúklinga. Á deildinni er sinnt almennum lyflækningum á öllum sviðum, en algengasta ástæða innlagna er þó vegna hjarta - lungna - eða meltingarfæravandamála.

Lyflæknir sjúkrahússins hefur umsjón með lyflæknisfræðilegri endurhæfingu sem fer fram í teymisvinnu með húkrunarfræðingum, sjúkraliðum, sjúkraþjálfurum, iðuþjálfa og stöku sinnum með þátttöku næringarfræðings.

Þolprófanir eru mikilvægur þáttur í starfsemi lyflæknisdeildar, en þolprófsbúnaður af fullkomustu gerð var gefinn FSN af ýmsum fyrirtækjum á Austurlandi fyrir fáeinum árum. Um 150 - 200 þolpróf eru gerð hér árlega, oftast til að stuðla að greiningu kransæðasjúkdóma, en einnig lungnasjúkdóma og annara vandamála sem takmarkað geta þol og afköst, þá gagnast þolprófin vel til að meta árangur endurhæfingar, auk þess sem þau nýtast til þolprófana á íþróttamönnum.

Á lyflæknisdeildinni er ágætis búnaður til greininga á kæfisvefni og eru gerðar hér 50 - 60 kæfisvefnsrannsóknir árlega. Lyflæknir sér um berkjuspeglanir og tekur þátt í maga - og ristilspeglunum á móti skurðlækni.


Hér eru fleiri greinar sem tengjast Lyflækningadeild:

Þolpróf
Sýnishorn af íþróttamannaþolprófi
Kæfisvefn
Berkjuspeglun